Жаңалықтарды Telegram арнамыздан оқыңыз!Қарағанды облысында аудан орталығынан 100 шақырымдай қашықтықта орналасқан елді мекенде 34 тұрғын коронавирустық инфекция жұқтырған. Ауылда барлығы 250 адам тұрады. Қазір науқастанғандар түгел Жезқазған мен Сәтбаев қалаларындағы ауруханаларға жатқызылды. Олармен байланыста болған 20 адам анықталды. Тексеріс кезінде тұрғындардың бірі ауылдан тыс жерге шыққаны және оның індеттің таралуына себепкер екені белгілі болды. Қазір Алғабаста шектеу күшейтіліп, оқушылар 18 сәуірге дейін қашықтан оқуға көшті. Ауру ошағы болып саналатын 13 үй оқшауланған. Барлық санитарлық шаралар жүргізілген.
Руслан Нұрланұлы
