Басты Жаңалықтар Қазақстан-Қырғызстан үкіметаралық кеңесінің IX отырысы өтті

Қазақстан-Қырғызстан үкіметаралық кеңесінің IX отырысы өтті

02.04.2021 20:00

Қазақстан және Қырғызстан Премьер-Министрлері жаңғыртылған «Қордай — Ақ Жол» өткізу пунктінің ашылу рәсіміне қатысты. Әрі, сол жерде үкіметаралық кеңестің IX отырысын өткізді. Онда сауда-экономикалық, инвестициялық, ауыл шаруашылығы, су-энергетикалық, өңіраралық және шекара маңы ынтымақтастығы секілді өзекті мәселелер қаралды. Мемлекет басшысы Қасым-Жомарт Тоқаевтың тапсырмасы бойынша Қазақстан Қырғызстанға 10000 тонна бидай ұны мен 1000 тонна жоғары өнімді күздік бидай тұқымын гуманитарлық көмек ретінде беретін болды. Жаңартудан кейін өткізу пунктінің ғимарат ауданы 3,5 есеге артып, 4,9 мың шаршы метрге жеткен. Паспорттық бақылау стендтерінің саны да артқан. Нәтижесінде шекара бекетінің өткізу қабілеті тәулігіне 6 мың адамнан 25 мыңға дейін өсті.

Ұлан Әліпов, «Қазавтожол» ҰК» АҚ басқарма төрағасы:
Қордай өткзіу бекетінде бәрін қайта жаңарту болды. Ғимараттардың бәрін қайтадан жаңарды. Жаяу жүретін жолақтар салынды. Көлік жүретін жолақтар саны 2-ден 8-ге дейін көбейді.

Ғабит Бөкенбай

Бөлісу