Таразда бірнеше тұрғын үйдің ауласын жаңбыр суы басып қалды

Таразда толассыз жауған жаңбыр суы кейбір тұрғын үйлердің аулалаларын басып қалды. Арнайы техникалармен суды сорғызуға көшкен әкімдік өкілдері бұл мәселе арық-атыздарды уақытында тазаламағанның салдарынан болып отыр дейді. Сондай-ақ, шаһардағы каналдардың бойынан заңсыз салынған нысандар да көктемгі қар суының ағып кетуіне кедергі келтіруде. Қазір ұзындығы 82 шақырым болатын 8 каналда тазалау жұмыстары толық аяқталған. Ал су басқан аулаларды құрғату жұмыстары әлі жалғасып жатыр.

Сәбит Әлдебай