Жаңалықтарды Telegram арнамыздан оқыңыз!Самара-Шымкент тас жолының Қызылорда облысы тұсында екі автобус соқтығысып, үш адам қаза тапты. Жол-көлік оқиғасының себеп-салдары қазір анықталып жатыр. Ал, зардап шеккендер Қармақшы және Жалағаш аудандарының ауруханаларына жеткізілді. Қайтыс болғандардың екеуі оқиға болған жерде, ал 7 жастағы бала аурухананың жансақтау бөлімінде көз жұмған. Жол-көлік оқиғасына қатысты қылмыстық іс қозғалды. Қазір сотқа дейінгі тергеу жұмыстары жүріп жатыр.
Ғабит Жаңабаев, Қызылорда облысының жұмылдыру дайындығы басқармасы басшысының орынбасары:
- Біреуі Қазалыдан Қызылорда қаласына шыққан, екіншісі Қызылорда қаласынан Қармақшы елді мекеніне шыққан. 86 жолаушы болған, 74-і медициналық көмекке жүгінген. Қысылып қалған 5 адамды кесіп шығарды. Соның екеуі қайтыс болған, үшеуі ауруханаға жеткізілген.
Ақерке БЕРІКБЕКҚЫЗЫ
