1 сәуірде көлік салығын төлеу мерзімі аяқталады

1 сәуірде көлік салығын төлеу мерзімі аяқталады. Сондықтан, мемлекеттік кірістер комитеті төлемді уақытылы жасауға шақырды. Бүгінде салық төлеудің интеграцияланған мәліметтер базасы жасалып, «Е-Salyq» мобильді қосымшасы іске қосылған. Яғни, бұрынғыдай салық органдарына барып, есептетудің қажеті жоқ. Аталмыш қосымшаны жүктеп, ЖСН нөмірімен тіркелгенде қанша салық төлеу керек екені автоматты түрде шығып тұрады. Соның арқасында бүгінде салықтың 90 пайызы цифрлы форматта төленіп жатыр.

Олжас Отар,ҚР ҚМ МКК Өндірістік емес төлемдерді әкімшілендіру басқармасы басшысының орынбасары: 
Осы «Е-Salyq» мобильді қосымшасында 405 мыңға жуық адам жыл басынан бері тұтынды. 232 мыңнан астам жалпыға бірдей декларацияны тапсырды. Әрі осы жерде әрбір жұмысшы өзінің қанша айлық алғанын, қанша салық төлегенін көре алатын сервис қызметтір бар.

Амангелді Сейітхан