Жаңалықтарды Telegram арнамыздан оқыңыз!Мысырда Суэц каналын 6 күн бөгеген алып кеме қайраңнан жартылай шығарылды. Наурыздың 23-де ұзындығы 400 метрлік су көлігі күшті желдің кесірінен арнаға көлденеңінен кептеліп қалған. Соның салдарынан Еуропа мен Азия арасында жүк таситын 450-ге жуық кеме діттеген жеріне жете алмай тұр. Одан әлемдік экономикаға 200 миллиард доллар шығын келді. Сазға батқан контейнер тасымалдаушыны шығару үшін жағалау қазылып, сүйреп тартатын қосымша көліктер жұмылдырылды. Іс сәтті өтсе, алып кеме бүгін сапарын жалғастырады.
Жансая Қапасқызы
