Алматының 34 мектебін «жарып жібермек» болған күдікті әлі іздестіріліп жатыр

Алматының 34 мектебін «жарып жібермекші» болған күдікті әлі іздестіріліп жатыр. Елді дүрліктірген хабарламаны нақты кімнің жібергенін қалалық Полиция департаменті әлі анықтай алмаған.

Естеріңізде болса, осыдан тура бір апта бұрын белгісіз біреу 34 білім ошағының электрондық мекенжайына жарылғыш зат қойылғаны туралы хат жіберген. Полиция қызметкерлері арнайы жасақпен мектептерді түгел тексеріп шықты. Десе де, бірде-бір оқу ордасынан күмәнді зат табылған жоқ. Алматы қалалық Полиция департаментінің мәліметінше, күдікті ұсталған жағдайда қылмыстық жауапкершілікке тартылып, 6 жылға дейін бас бостандығынан айырылуы мүмкін.

Жазира Оразқызы