Жаңалықтарды Telegram арнамыздан оқыңыз!Үндістанда тұрғындардан коронавирусқа алынған тест нәтижесінде, инфекцияның қос мутациялы түрі анықталды. Қазір мамандар оның қаншалықты қауіпті екенін тексеріп жатыр. Ерекше штамм мемлекеттің батысындағы Махараштра штатында табылған. Аталған өңір тәуліктік науқастар саны бойынша бірнеше күн қатарынан алда келеді. Бұдан бөлек елде вирустың британдық, оңтүстікафрикалық түрлері де тіркелді.
Айта кетсек, Үндістан ковид жұқтырғандар саны бойынша әлемде үшінші орында. Өткен күні мұндай инфекция 47 мыңнан астам адамнан табылып, жалпы індетке шалдыққандар саны 11 миллионнан асты.
Жансая Қапасқызы
