Жаңалықтарды Telegram арнамыздан оқыңыз!Бүгін Жер комиссиясының алғашқы отырысы өтті. Онлайн жиынға өңірлерден 44, орталықтан 31 адам қатысты. Сала сарапшыларының басты талқылауы – ауыл шаруашылығы алқаптарының игілігін халық қалай көреді деген сауалдың төңірегінде өрбіді? Ал, шетелдіктерге жалға беру мәселесіне түбегейлі нүкте қойылды. Сонымен отырыста нендей ұсыныстар айтылды?
Нысаналы Ығыл, тілші:
Иә, енді шетелдіктерге жалға беруге қатысты үрей жоқ. Керісінше жерді өз азматтарымыз қалай және қайтіп игереді? Қазір осы мәселе қызу талқыланып жатыр. Отырыста ең көп айтылған ұсыныс: жер тек мемлекет меншігінде болуы тиіс. Өйткені ұрпақ болашақта латифундистерден сатып алмай, мемлекеттен сұрап алуы керек. Сондай-ақ жерді бақылау тиісті агенттікке өтіп, ол тікелей Президентке бағынсын деген ұсыныс та айтылды. Ал, қазір жер инспекторлары әкімдікке қарайды. Яғни, өздері сатып, өздері бақылау жүргізіп отыр. Бұдан бөлек жерді субарендаға беру және банкке кепілге қоюға тыйым салыну керектігі айтылды.
