Түркия президенті қазақстандық оқушыға сыйлық жіберді

Түркия Президентінен тосын сый. Режеп Тайып Ердоған Шығыстағы Тарбағатай ауданының оқушысына сыйлық беріп жіберді. Ән тыңдауға арналған заманауи құрылғы мен бағалы білезікті Байжігіт Ерболатқа бүгін Түркия елшілігі табыстады. Тұғыл ауылындағы балдырған 1-сыныпта оқиды. Ол 2019 жылы Абайдың 175 жылдығына арналған челленджге қатысып, эстафета тізгінін Түрік басшысына ұсынған. Бұл туралы бауырлас елдегі телеарналардың бірі көрсеткен.

Байжігіт Ерболат, 1-сынып оқушысы:

Сыйлық алғаныма қуаныштымын. Қазақ пен Түрік халқының достығы жасай берсін. Ердоған атаға алғысымды білдіремін.

Дарын Сағитов