Құрылыс материалдары қымбаттап барады

Құрылыс материалдары қымбаттап, салдарынан баспана бағасы шарықтап барады. Мәжілісмен Жамбыл Ахметбеков Үкіметке жолдаған депутаттық сауалында осы мәселені көтерді. Бұл мемлекет қаржысына салынатын әлеуметтік нысандар құрылысының қымбаттауына да әкеп соғады. Депутат құрылыс материалдары нарығында баға белгілеуді реттеу тетіктерін қалыптастыруды ұсынды. Салада 240 мыңнан астам маман жетіспейді, бұл ретте кәсіби білім беретін оқу орындарында өндірістік тәжірибе аясын кеңейту маңызды.

Жамбыл Ахметбеков, ҚР Парламенті Мәжілісінің депутаты:

Қарапайым жұмысшылармен қатар, тас қалаушылар, әрлеуші-сырлаушылар сынды мамандар жетіспейді. Кадр тапшылығының басты себебі - құрылыс саласы мен техникалық және кәсіби білім беру мекемелерінің арасындағы өзара байланыстың болмауы.

Дарын Сағитов