Елордада су басу қаупі бар 29 аумақ анықталды

Елордада су басу қаупі бар 29 аумақ анықталды. Бүгін сол жерлерде тасқынның алдын алу бойынша оқу-жаттығу жиыны өтті.

Үркер тұрғын алабының екінші секторындағы жер үйлердің жан-жағы құм салынған қапшықтармен қоршалды. Ал Байқоңыр және Сарыарқа аудандарындағы арықтар тазаланып жатыр. Себебі бұл аймақта үйлермен қатар балабақша, мектеп сынды әлеуметтік нысандар бар. Мамандар жағдай күрт қиындаса, халықты уақытша орналастыру үшін төрт қонақ үй мен 10 нысан дайындап отыр. Алайда биыл қыстың жылы болуына байланысты қауіп бұрынғыдай қатты емес.

Есен Байыров, қалалық Төтенше жағдайлар департаменті бастығының орынбасары:
Қазір қардың түсімі 20 процентке аз былтырғыдан. 

Амангелді Сейітхан