СҚО-да көлік контрабандасымен айналысқан қылмыстық топ ұсталды

Солтүстік Қазақстан облысында автокөлік контрабандасымен айналысқан трансұлттық қылмыстық топ ұсталды. Олар Ресейден Қазақстан аумағына көліктерді жалған кедендік құжатпен қосалқы бөлшек түрінде әкеліп отырған.

Контрабандалық тауар сақталған қойманы тінту барысында құқық қорғаушылар 54 жеңіл, 6 жүк көлігіне тап болды. Әрі жалған құжаттар мен ресейлік мемлекеттік номерлерді анықтады. Болжам бойынша мемлекетке келтірілген шығын көлемі 650 миллион теңге шамасында. Ұсталғандар екі айға дейінгі мерзімге қамауға алынды. Сот алды тергеу жүргізіліп жатыр. 

Сағындық Сәбитұлы