Сенат Жоғарғы соттың 2 судьясын қызметінен босатты

Сенаттың жалпы отырысында Жоғарғы соттың екі судьясы қызметінен босатылды.

Депутаттарының қарауына Анатолий Смолинді және Серік Әбнәсіровті Жоғарғы сот судьясының қызметінен босату туралы Мемлекет басшысының ұсынымы енгізілді.

Президент жарлығымен Анатолий Смолин Қостанай облыстық сотының төрағасы қызметіне тағайындалса, Серік Әбнәсіров зейнет жасына толуына байланысты отставкаға шығу туралы өтініш берген.

Депутаттар Президенттің ұсынымын бірауыздан қолдап дауыс берді.