Шымкентте жыл соңына дейін 400 бала оңалтудан өтеді

Шымкентте жыл соңына дейін мүмкіндігі шектеулі 400 бала оңалтудан өтеді. Бұл туралы Нұрсұлтан Назарбаев қорының директоры Дариға Назарбаеваның Шымкент қаласындағы «Қамқорлық» оңалту орталығын аралау кезінде белгілі болды. 

Естеріңізге сала кетейік, орталық былтыр Елбасының «Қамқорлық» бастамасы аясында ашылған. Мұнда балалар 21 күндік курстардан өтеді. Амбулаториялық және стационарлық оңалту тегін. Жалпы, осы уақытқа дейін Түркістан облысында мұндай заманауи медициналық жабдықтар тек жеке меншік орталықтарда ғана болған. Дариға Назарбаева Түркістан облысындағы жұмыс сапары аясында Елбасының «Қамқорлық» бастамасы аясында ашылған инклюзияны қолдау кабинеттеріне де барды. 

Ләззат Кучкарова, «Қамқорлық» оңалту орталығының директоры:

Біздің мақсатымыз - әрбір мүмкіндігі шектеулі балапандарымызға, яғни, бүлдіршіндлерімізге үміт отын сыйлау, ата-аналарының үмітін ақтау. Өзіміздің қызметіміз арқылы барынша қол ұшымызды тигізу.

Азамат Нұғыманов