Павлодар облысындағы екі ауданда құтырма ауруы тіркелді - «Qazaqstan» Ұлттық телеарнасы

Павлодар облысындағы екі ауданда құтырма ауруы тіркелді

02.03.2021

Павлодар облысында құтырма ауруы таралып жатыр. Әзірге екі дерек расталды. Бірі Железинка ауданында. Ірі қара шалдыққан. Бес мыңға жуық малы бар ірі шаруашылық қазір тұтастай карантинге жабылды. Ал, Тереңкөл ауданының орталығында бірнеше көшеге шектеу енгізілді. Тұрғындардың бұрынғыдай емін- еркін жүріп тұруына болмайды, қорадағы малды сыртқа шығаруға да тыйым салынды. Мұнда байлаулы тұрған иттен ауру анықталды.

Ғалым Бейсенов, ветеринарлық қадағалау басқармасының бас маманы:
Иттің иесінің айтуы бойынша ол ауласында қарсақтың өлігін тауып алған. Қарсақ келіп итімен төбелескен. Сол қарсақтан жұққан. Қазір сол көшелерге шектеу қойылды. Малды сол аулалардан шығаруға болмайды.

Болат Аманбаев


Хабарламаларға жазылу