Өзге ұлт өкілдері қиын сәтте қамқорлық танытқан қазақ халқына алғыс айтты

Осындай бауырмалдықтың арқасында қазақ жері сан ұлт бақыт тапқан байтаққа айналды. Қазақстандағы шешендер мен ингуштер қауымдастығының тең төрағасы Ахмед Мурадов биыл вайнахтардың депортацияланғанына 77 жыл толғанын айтады. Оның сөзінше Екінші дүниежүзі соғысында мыңдаған шешен мен ингуш халқының азаматтары, қарттары, әйелдері мен балалары бір түннің ішінде тауар тиеген вагондарға отырғызылып, бейтаныс елден бір-ақ шықты. Отызыншы жылдардағы зұлматтан өзі де есін жия алмай отырған қазақ халқы сол босып келген жандардың бәрін бауырына басып, барымен бөлісті.

Ахмед Мурадов, «Вайнах» шешендер мен ингуштар қауымдастығының төрағасы:
70-80 жыл бұрын Қазақстанға жер аударылғандардың барлығы аман қалды. Әрине, қамқорлық танытқан, барымен бөліскен қазақ халқының арқасында. Қазақстанда 130 этностың өкілі тұрады .Олар тату-тәтті, бірлікте өмір сүріп жатыр.