Алғыс айту күніне орай қайырымдылық шаралары өтіп жатыр

Алғыс айту күніне орай Қазақстан халқы Ассамблеясы бірнеше қайырымдылық шараларын қолға алды. Бүгін елордадағы Достық үйінде этножәрмеңке басталды. Мұнда түрлі ұлыс өкілдері өздерінің ұлттық тағамдары мен қол өнер бұйымдарын арзан бағада сатуды ұйымдастырған. Түскен қаражат түгелдей мұқтаж жандарға беріледі. 

Одан бөлек, халықтың әлеуметтік осал топтарына азық-түлік қораптары жеткізілмек. Жексенбі күні этномәдени бірлестік өкілдері жалғызбасты қарттардың ауласын қардан тазартып беруді жоспарлап отыр. Сондай-ақ, «Туған елге мың алғыс» атты челлендж басталып, түрлі ұлт өкілдері әлеуметтік желілерге өз алғыстарын жүктеп жатыр.

Амангелді Сейітхан