Депутат жекеге кеткен университет жерлеріне алаңдаушылық білдірді

Университет аумағындағы жер телімдері жекеге кетіп жатыр. Салдарынан жатақханалар азайып, оқыту нысандары саудаға салынуда. Мәселен, Шығыс Қазақстан мемлекеттік университетінің өндірістік шеберханасы ойын-сауық орнына айналған. Әл-Фараби атындағы Қазақ ұлттық университетіне тиесілі аумақ та қысқарып барады. Осылай деген Мәжіліс депутаты Берік Дүйсенбинов бас прокурор мен сала министріне сауал жолдап, бұл әрекеттердің қаншалықты заңды екенін тексеруді талап етті.

Берік Дүйсенбинов, ҚР Парламенті Мәжілісінің депутаты:

2012 жылғы 30 қаңтардағы Алматы қаласы әкімінің қаулысына сәйкес Университеттің пайдалану құқығына жалпы көлемі 73,26 гектар жер берілген. Ал, 2017 жылы 2 қазанда Алматы қаласы әкімінің № 4/392-22-36 деген қаулысына сәйкес ҚазҰУ-нің жалпы жері үлестерге бөлініп, жер көлемі 72,48 гектар болып шықты. Соның ішінде ҚазҰУ-нің тікелей үлесін алатын болсақ, ол – 71,40 гектар жер, яғни, оқу орнының жалпы жер көлемі 1,8 гектарға азайғанын байқаймыз.

Нысаналы Ығыл