Жаңалықтарды Telegram арнамыздан оқыңыз!«БИПЭК АВТО – АЗИЯ АВТО» компаниялар тобының Шығыс Қазақстандағы бөлімшесі 10-шы наурыздан бастап екі мыңға жуық қызметкерімен еңбек шартын бұзады.
Мәселе автохолдинг басшылығы мен Индустрия және инфрақұрылымдық даму министрлігі арасында туындаған даудан шығып тұр. 10 жыл бұрын кәсіпкер Анатолий Балушкин автокөлік шанағын құрастыру бойынша зауыт салатын болып келісілген. Алайда, белгіленген мерзім ішінде жаңа кәсіпорын іске қосылмады. Сол себепті Өскемендегі «Азия Авто» және «Азия Авто Қазақстан» компанияларына мемлекет тарапынан қолдау көрсету тоқтатылды. Енді жұмыссыз қалған адамдарды өңірдегі басқа кәсіпорындарға орналастыру үшін арнайы штаб құрылды.
Жасұлан Сәрсебаев, облыстық жұмыспен қамту және әлеуметтік бағдарламаларды үйлестіру басқармасының басшысы:Ірі кәсіпорындар 1829 бос орынның тізімін ұсынды. Оның ішінде 1303 жұмыс орны босатылатындарға сай келеді. Бұдан бөлек, еңбек электронды базасында жарияланған қосымша 1896 шағын және орта бизнес нысандарына бос вакансиялар бар. Жалпы айтқанда, қызметтен босатылғандарды жұмысқа орналастыру мен әлеуметтік қорғау шаралары күнделікті бақылауда.
Берік Көшербай
