Елорда тұрғыны өз көлігін ұрлауға тапсырыс берген: Оқиғаға қатысты қылмыстық іс қозғалды

Несиеден құтылуды ойлап, одан да зорына тұтылды. Астаналық өз көлігін ұрлауға тапсырыс берген. Осылайша сақтандыру төлемін алып, несиеден жалтармақ болыпты. Ойын іске асыру үшін таныстарын шетелдік маркадағы жеңіл көлігін қолды етуге көндіреді. Бұл үшін сыйақы беретінін айтқан. Ақыры темір тұлпарын Алматы облысында сатады. Полицияға көлігі жоғалғанын айтып арызданған 53 жастағы тұрғынға қарсы қылмыстық іс қозғалды. Іске қатысы бар өзге азаматтар да кінәсын мойындаған. Кінәлары дәлелденсе, 3-тен 8 жылға дейін бас бостандығынан айырылуы мүмкін. 

Нысаналы Ығыл