Алматы: 2-ЖЭО көгілдір отынға көшіру ісі 2025 жылы аяқталады

Алматы іргесіндегі екінші жылу электр орталығын көгілдір отынға көшіру ісі 2025 жылы аяқталмақ. Биыл жобалау құжаттары дайындалып, келер жылдан бастап қазандықтар жаңартылады. Бұл туралы қала әкімі Бақытжан Сағынтаевтың есебінде айтылды, экологиялық ахуалды жақсартуға бағытталған шаралар сөз болды. Шаһар басшысы көлік ағынын азайту үшін электр пойыздарын іске қосу ұсынылғанын жеткізді.

Бүгінде Алматы-Қаскелең бағыты бойынша жұмыстар басталып, Талғар қаласына қосу келіссөздері жүріп жатыр. Бұдан бөлек, 2019 жылы қабылданған «Жасыл Алматы» бағдарламасы аясында 1 миллион ағаш отырғызу жоспарланған.