Жоғарғы Сотта әкімшілік істер бойынша сот алқасы құрылады - «Qazaqstan» Ұлттық телеарнасы

Жоғарғы Сотта әкімшілік істер бойынша сот алқасы құрылады

17.02.2021
Жоғарғы Сотта әкімшілік істер бойынша сот алқасы құрылады

Жоғарғы Сотта әкімшілік істер бойынша сот алқасын құру ұсынылды. Мәжілістің жалпы отырысында депутаттар «Қазақстан Республикасының сот жүйесі мен судьяларының мәртебесі туралы» Қазақстан Республикасының Конституциялық заңына өзгерістер мен толықтырулар енгізу туралы» заң жобасын талқылады.

«Әкімшілік рәсімдік-процестік кодексті қабылдау және оны 2021 жылғы 1 шілдеден бастап қолданысқа енгізу сот жүйесінің жұмысына түзетулер енгізуді талап етеді. Қазақстан Республикасы Жоғарғы Сотының және облыстық соттардың «Қазақстан Республикасының сот жүйесі мен судьяларының мәртебесі туралы» Конституциялық заңда белгіленген қолданыстағы құрылымы Әкімшілік рәсімдік-процестік кодекстің міндеттеріне толық көлемде жауап бермейді», - дейді депутат Қанат Мусин. 

Айтуынша, Жоғарғы Сотта әкімшілік істер бойынша сот алқасын құру ұсынылады. Қазіргі мамандандырылған сот алқасы таратылады. Облыстық соттарда да тиісті сот алқалары болады. Бұл шара сот жүйесіне өңірлерде істердің бөлінуіне байланысты үнемі өзгеріп отыратын жағдайға жедел ден қоюға мүмкіндік бермек.


Хабарламаларға жазылу