Қазақстан 67 млн тоннадан астам мұнай өндіруді жоспарлап отыр - «Qazaqstan» Ұлттық телеарнасы

Қазақстан 67 млн тоннадан астам мұнай өндіруді жоспарлап отыр

16.02.2021

Қазақстан былтыр мұнай экпортының көлемін аздап төмендетті. Себебі 2020 жылдың мамыр-шілде және тамыз-желтоқсан аралығында барлау жұмыстарына шектеу қойылды. Бұл өз алдына ОПЕК+ ұйымына кіретін мұнай экспорттаушы мемлекеттер арасында өндірісті тәулігіне 9,7 млн баррельге дейін төмендету туралы мәміле аясында жүзеге асырылған. Сәйкесінше өткен жылы 59 млн тонна мұнай экспортталды. 

Биыл еліміз 67 млн тоннадан астам қара алтын өндіруді жоспарлап отыр. «Қазақстандық мұнай өңдеуге өте қолайлы әрі сапалы. Сондықтан әлемде сұраныс өте жоғары», - дейді Каспий құбыр желісі консорциумының бас директоры Николай Горбань. 

Қазір Жерорта теңізі маңындағы мемлекеттермен қоса, АҚШ пен Қытай отандық қара алтынға қызығушылық танытып отыр. 

Дарын Сағитов

Хабарламаларға жазылу