Нұр-Сұлтанда биометриялық бақылау құралы орнатылды

Қылмыстық атқару жүйесі есепте тұрған азаматтарды тіркейтін биометриялық терминалды іске қосты. Бүгіннен бастап Нұр-Сұлтанда жазасын өтеп қазір есепте тұрған азаматтар бетін сканерлеу арқылы цифрлық тіркеуден өте алады. Сотталған адамның жеке басын анықтау үшін полиция қызметкері қажет емес. Кезекті есепке келген тұлға терминалдың алдына келіп, көзін суретке түсірсе жеткілікті. Сол сәтте ақпарат орталықтандырылған жүйеге тіркеледі. Ол жердегі мәлімет 1 жылға дейін бұлтарпас айғақ ретінде сақталады. Электрондық құрылғылар Елорданың 4 ауданында іске қосылды. Айта кетейік, бас қалада 2400-дей сотталушы бар.

Мұрат Оралбаев, Нұр-Сұлтан қаласы қылмыстық атқару жүйесі департаменті бастығының орынбасары:

Сотталғандар пробация қызметіне мін тағады. Біз келдік дейді. Біздің қызметкерлер келмеді дейді.