Ақын Шөмішбай Сариев дүниеден озды

75 жасқа қараған шағында Қазақстанның еңбек сіңірген қайраткері Шөмішбай Сариев өмірден озды. Елбасы көрнекті ақынның қайтыс болуына байланысты көңілайту жеделхатын жолдады. Нұрсұлтан Назарбаев оның қазақ поэзиясының дамуына сүбелі үлес қосқанын атап өтіп, ақынның жарқын бейнесі мен өнегелі ғұмыры ел жадында әрдайым сақталатынына сенім білдірді.

Ақын 1946 жылы 15 сәуірде Қызылорда облысы, Арал ауданында дүниеге келген. Оның есімі өлеңсүйер, әнсүйер қауымға кеңінен таныс. Ақынның лирикалық жырлары мен ән өлеңдері көптеген қазақ композиторларының шығармашылығына арқау болды. Шөмішбай Сариевтың жиырмаға тарта өлең кітабы жарық көрген. Ол әдебиет зерттеуші ғалым ретінде кең құлашты еңбектер жазды.