Қостанай облысында бір айда 100 отбасы ажырасу үшін сотқа шағым түсіреді

Қостанай облысында 16 мыңнан аса азамат балаларына алимент төлеуден жалтарып жүр. Ал бір айда 100 отбасы некені бұзу үшін сотқа жүгінсе, соның 80-і ажырасып тынады. Қоғамдағы осы келеңсіздікпен күресу үшін Қостанайдағы жеке сот орындаушыларының аймақтық палатасы арнайы орталық ашты. Мұнда қиын жағдайға тап болған отбасыларға психологиялық және құқықтық көмек көрсетіледі. Орталықтағы мамандар ажырасу үшін сотқа арыз берген ерлі-зайыптылармен сөйлесіп, бұған не себеп болғанын зерделейді. Түйіннің шешімін тауып, оларды татуластыруға тырысады. Сонымен қатар ажырасып, енді алимент даулап жүрген жұптардың да мәселесін өзара келісіммен шешуіне ықпал етеді. 

Дәуренбек Әбдібек