Алматы облысында шаруа қожалығынан табылған арыстан жұқпалы дертке шалдыққан

Алматы облысында шаруа қожалығының иесі асыраған арыстан жұқпалы дертке шалдыққан. Бұл туралы хайуанаттар бағының өкілдері айтты. Зообақтың мал дәрігерлері Бесқайнар ауылына арнайы барып, жыртқыштың денсаулығын тексерген. Талдау жүргізу үшін биологиялық материалдар алынған. Соның нәтижесінде жыртқыштың бел омыртқасы қисайғаны, буындарында ақау бары белгілі болды. Сондай-ақ, бірнеше жұқпалы вирустың белгілері анықталған. Сондықтан ол әзірге хайуанаттар бағына алынған жоқ. Джума есімді жыртқыш нақты шешім қабылданып, диагноз қойылғанша шаруа қожалығында қалады дейді мамандар.

Ағыбай Әжібаев, хайуанаттар бағы басшысының орынбасары:

Егерде малдың анализ нәтижелері дұрыс болып жатса, алуға қарсылық жасамаймыз.

Нұрхан Нұрланұлы