Жаңалықтарды Telegram арнамыздан оқыңыз!
1мамырдан бастап елді мекендердегі көшелер, алаңдар мен даңғылдардың атауын өзгертуге уақытша мораторий енгізу жоспарланып отыр. Бұл ұсыныс халық санағын өткізу жөніндегі арнайы комиссияның отырысында мақұлданды. Вице-премьер Әлихан Смаилов ұлттық статистика бюросы мен Президент әкімшілігіне хат жолдауды тапсырды.
Айта кетейік халық санағы биыл қыркүйектің 1-нен қазанның 30-ына дейін өтеді деп жоспарланған. Халық үйде отырып ақ, sanaq.gov.kz сайтына кіріп, санақ парағын онлайн толтыра алады. Десе де дәстүрлі санақ жүргізу тәртібімен мамандар үй-үйді аралап шығады. Олар планшет арқылы тізімдерді тіркеп, мәліметтерді арнайы мобильді қосымшаға енгізеді.
Раушан Сайлауқызы
