Жаңалықтарды Telegram арнамыздан оқыңыз!Елордада мыңға жуық медицина қызметкері вакцина қабылдап үлгерді. Екпе егу қаладағы 5 емханада жүргізіліп жатыр. Алдағы уақытта тағы 36 медициналық ұйымда санитарлық нормаларға сай ем-шара бөлмелері ашылады. Ал вакцина салдырған медицина мамандары жағдайымыз жақсы, шағымымыз жоқ дейді.
Эльмира Сапарғалиева, №1 қалалық емхананың эпидемиолог дәрігері:Мен 1 ақпан күні ең бірінші болып екпе салдырғандардың бірімін. Алғашында екпенің орны ауырды. Ертеңінде бірден жақсарды. Одан бері 2 аптадай уақыт өтті ғой. Қазір өзімді жақсы сезінемін. Сондықтан эпидемиолог маман ретінде вакцинаның еш зияны жоқ екенін айтқым келеді. Керісінше өзімізді, жақындарымызды қорғау үшін қажет.
Алмат Жұмаханов, №1 қалалық емханасы мобильді бригадасының фельдшері:Мен өз еркіммен вакцинаның салдыруға келістім. Алғашқы 2 күн температура мен әлсіздік болды менде. Ал 3-ші күні бәрі жақсарды. Қазір де бәрі жақсы. Сондықтан вакцина салдыруға кеңес беремін.
Ақниет Балтанова
