Жаңалықтарды Telegram арнамыздан оқыңыз!Елордада гүл сататын дүкеннің ашылуына орай қарақұрым халықты жинағандар жазасыз қалмайды. Оларға тиісті әкімшілік шара қолданылды.
Еске салайық, Нұр-Сұлтанда ұтыс ойынына қатысқысы келгендер гүл сататын дүкен алдына жиналып, соның кесірінен ұзын-сонар кептеліс пайда болған еді. Оңай олжаға кенелуді көздегендер бірін бірі таптап кете жаздады. Ұтыстан дәмелі жұрт санитарлық талапты ұмыт қалдырған. Ал бас бәйге жеңіл көлік. Дүкенге баса-көктеп ұмтылған адамдарды полицейлер әрең ұстап қалды. Тіпті ғимарат орналасқан Мәңгілік ел көшесінде қозғалыс қиындады. Бұл шараға 2 мыңнан аса тұрғын жиналған. Яғни Бас санитар дәрігердің қаулысы өрескел бұзылды. Ұтыс ойынын ұйымдастырушылар полиция департаментіне жеткізілді.
Нысаналы Ығыл
