Ақтөбелік каратэші Дәулет Хайролла кісі қолынан мерт болды

Ақтөбеде каратэден Азия кубогының иегері, спорт шеберлігіне үміткер 18 жастағы Дәулет Хайролла кісі қолынан қаза тапты. 

Оның денесі кеше қаланың қақ ортасында, көлік ішінен табылды. Бір анығы- жастар өзара жанжалдасып, арты төбелеске ұласқан. Артынша, күдіктінің бірі спортшыға қарсы оқ атқан. Полиция осы қылмысқа қатысы болуы мүмкін 19-20 жастағы қала тұрғындарына іздеу жариялады. Дегенмен, бүгін негізгі күдіктінің қолға түскені хабарланды. Болашағынан үлкен үміт күттірген Дәулет Хайролла ел кубогының үш мәрте жеңімпазы болған. 

Жақсыбек Кемал