Коронавирусқа қарсы вакцина алғандарға QR-код беріледі - Цой

Коронавирусқа қарсы вакцина алғандарға QR-код беріледі. Кодта адамның иммундық мәртебесі туралы ақпараттар жазылады. Бұл туралы Үкімет отырысында Денсаулық сақтау министрі Алексей Цой айтты.

«Жеке иммундық мәртебесі туралы ақпаратпен қамтылған QR-кодтарды енгізу үшін e-govMobail мобильдік қосымшасын іске қосу жоспарланп отыр, ол Ashyq медициналық қосымшасымен біріктірілген. Онда азаматтардың коронавирусқа қарсы вакцинациядан өткен-өтпегені туралы деректер жинақталады», - деді министр.

Еске сала кетейік, бұған дейін Денсаулық сақтау министрлігі мен Цифрлық даму, инновация және аэроғарыш өнеркәсібі министрлігі елдегі эпидемиологиялық ахуалды бақылау үшін жаңа мобильді қосымшаны тестілеуден өткізіп жатқаны, қазақстандықтар СOVID-19-ға байланысты қызыл, сары, көк және жасыл түстерге бөлініп, кейбір мекемелерге QR-код арқылы кіргізілетіні хабарлан еді.