Мемлекет басшысы Қырғызстан Президентімен телефон арқылы сөйлесті - «Qazaqstan» Ұлттық телеарнасы

Мемлекет басшысы Қырғызстан Президентімен телефон арқылы сөйлесті

01.02.2021

Мемлекет басшысы Қырғызcтан Президентімен телефон арқылы сөйлесті. Қасым-Жомарт Тоқаев Садыр Жапаровты Президент қызметіне кірісумен құттықтап, бауырлас халықтың өркендеуі мен игілігі жолындағы жауапты жұмысына сәттілік тіледі. Тараптар достыққа, тату көршілікке және стратегиялық әріптестікке құрылған қатынастарды жаңа деңгейге көтеруге мүдделі. 

Садыр Жапаров Қазақстан Президентінің ізгі тілегіне алғыс айтып, қызметке кірісуіне орай Елбасы Нұрсұлтан Назарбаевтың құттықтау хат жібергені үшін ризашылығын білдірді. Әңгіме барысында алдағы уақыттағы кездесулердің кестесі, оның ішінде, қырғыз көшбасшысының Қазақстанға сапары талқыланды.

Нысаналы Ығыл


Хабарламаларға жазылу