Қазақстандық шаңғышы жол апатынан көз жұмды

Белгілі қазақстандық шаңғышы 38 жасар Николай Чеботько жол апатында көз жұмды. Қайғылы оқиға 24 қаңтар түнгі сағат 1:00 шамасында Бурабай курортты аймағында болды. Жеңіл көлікті жүргізіп келе жатқан ол жолдан шығып кетіп, ағашқа соғылған. Николай Чеботько оқиға орнында тіл тартпай кетті. Көлікте досы болған, ол бас жарақатын алды. Қазір аудандық ауруханада ем қабылдауда. Жағдайы тұрақты. Оның айтуынша, екеуі балық аулап келе жатқан екен. Бұл оқиға бойынша Қылмыстық кодекстің 345-інші бабына сәйкес сотқа дейінгі тергеу басталды. 

Николай Чеботько 2013 жылғы әлем чемпионатының қола жүлдегері. Азия ойындарында 3 алтын, 4 күміс, 2 қола медаль ұтып алған. 

Ермек Елберген