ШҚО-да екі ай бұрын жоғалып кеткен құтқарушының денесі табылды - «Qazaqstan» Ұлттық телеарнасы

ШҚО-да екі ай бұрын жоғалып кеткен құтқарушының денесі табылды

21.07.2017

Шығыс Қазақстанда осыдан 2 ай бұрын жоғалып кеткен сүңгуір-құтқарушы Елдос Нұрпейісовтің денесі кеше табылды. Оның артында қалған үш баласының үлкені енді ғана мектеп табалдырығын аттаса, кішісі төрт айлық. ТЖД 9-құтқару бөлімшесінің 29 жасар сүңгуірі суда қалған тұрғынды құтқармақ болған. Қатты ағысқа төтеп бере алмаған үрлемелі қайық төңкеріліп, суға батып кеткен. Сол уақыттан бері іздеу жұмыстары тоқтатылған жоқ. Алайда, су ағысының жылдамдығы мен өзеннің ернеуінен асуы жұмысты қиындатты. Марқұмның отбасына қаржылай көмек көрсетілмек. Бес жыл жұмыс істеген Елдос әріптестерінің есінде қызметіне адал, ортасына сыйлы азамат ретінде қалды.

Хабарламаларға жазылу