Қарағанды облысында қар құрсауында қалғандар құтқарылды - «Qazaqstan» Ұлттық телеарнасы

Қарағанды облысында қар құрсауында қалғандар құтқарылды

13.01.2021

Бүгін еліміздің бірқатар өңірінде аяз көтеріліп, тұрғындардың жолға шығуына шектеу қойылды. Қарағанды облысының Абай, Бұқар-Жырау және Осакаров аудандарында қар құрсауында қалған онға жуық автокөлік шығарылды. 9 жолаушы жақын маңдағы елді мекендерге жеткізілді. Сондайық, Бұқар Жырау ауданының Баймырза ауылында сырқаттанып қалған нәрестені мамандар Теміртау қаласына жеткізді.   

Ербол Байғазиев, облыстық ТЖД төтенше жағдайларды жою басқармасының басшысы: 
-Шектеулерге қарамай жолға шығып кеткендер сол қар құрсауында қалып, сосын төтенше жағдайлар қызметінің көмегімен ғана эвакуацияланды. Ол азаматтардың арасында үсік шалып, немесе медициналық көмек көрсеткен жағдай болған жоқ. Теміртау қаласының ауруханасына жеткізілген баланың жағдайы бірқалыпты. Уақытында жеткізілді.  

Ал, Ақмола және Қостанай облыстарында сынап бағанасы 25-30 градусқа дейін төмендеп, облыс орталықтары мен бірнеше ауданда мектеп оқушыларына сабақ болмады.

Дәуренбек Әбдібек


Хабарламаларға жазылу