Ресейдегі қазақстандықтар 5 қалада дауыс беріп жатыр

Ресейдегі қазақстандықтар бес қалада дауыс беріп жатыр. 

Индира Бегайдар,тілші:

Ресейдегі Қазақстан азаматтары да еліміздің болашағына бейжай қарамай, өз үлесін қосып, дауыс беруде. Мәскеудегі елшілікте орналасқан №265 сайлау учаскесі жергілікті уақытпен таңғы 07:00-де ашылды, 20:00-ге дейін жұмыс істейді. Азаматтар Қазақстанның Ресей Федерациясындағы елшілігінде консулдық есепке тұрғызылды. Арнайы жедел желі іске қосылып, онда мамандар сұрақтарға жауап беруде. 

Мәскеуден бөлек, жергілікті уақыт бойынша 07:00-ден 20: 00-ге дейін Қазақстан Республикасының бас консулдығы жанындағы сайлау учаскелерінде де отандастарымыз дауыс беріп жатыр. Қазіргі эпидемиологиялық жағдайға байланысты сайлаушылар бетперде тағып, әлеуметтік арақашықтықты сақтауы тиіс.Мәскеуде орналасқан ең үлкен сайлау учаскесінде халықаралық ұйымдардан келген тәуелсіз байқаушылар да жұмыс істеп жатыр.