Жаңалықтарды Telegram арнамыздан оқыңыз!Орталық сайлау комиссиясының отырысында Мәжіліс пен мәслихат депутаттарын сайлау жөніндегі науқанға әзірлік барысында келіп түскен өтініштерді қарау барысы талқыланды. Барлығы 104 өтініш түскен. Оның 46-сы жеке, 36-сы заңды тұлғалардан, 22-сі бұқаралық ақпарат құралдарына тиесілі. Көп бөлігі сайлау заңнамасын түсіндіру бойынша екені анықталып, 81-іне толық жауап берілген. Ал өзгелері құзыретті органдарға жауап алу мақсатында жолданды. Сондай-ақ Орталық сайлау комиссиясы әкімдіктерге сайлауды материалдық-техникалық тұрғыдан қамтамасыз ету бойынша тапсырмаларады нақтылап, карантин талаптарын барынша сақтау қажеттігін ескертті.
Ерлан Дауылбаев, ҚР Орталық сайлау комиссиясының мүшесі:
104 өтініштің 81-іне ОСК аппараты өтініш берушілерге белгіленген мерзімдерде толық жауаптар берді. 12 өтініш Ортсайлауком құзыретіне кірмейтін тақырып ретінде заңда белгіленген тәртіппен мемлекеттік органдарға қайта жіберілді. 6 өтініш заңнамаға сәйкес қараусыз қалдырылды.
Шерхан Жамбылұлы
