Елордада карантин талабын бұзған 12 мекеме жабылуы мүмкін

Елордада карантин талабын бұзған тағы 12 мекеме жабылуы мүмкін. Нұр-Сұлтан қалалық әкімшілік сотының шешімімен «Алания» түнгі клубы 3 айға, ал «Жаным сол» караоеке бары мен «Золото» мейрамханасының қызметі 1 айға тоқтатылды.  

Ал, сот шешімі орындамай, жұмысын жалғастырған жағдайда, аталған мекеме басшыларын әкімшілік қамауға алу шаралары қолданылады. Бүгінге дейін мобильді топтардың жедел қызметі арқасында бас қалада 1400 жеке және заңды тұлғалар жауапкершілікке тартылып, оларға 274 млн теңге айыппұл салынды.  

Еркін Съез