Жаңалықтарды Telegram арнамыздан оқыңыз!Жамбыл облысында короновирус инфекциясына қарсы отандық вакцинаны сынаудың үшінші фазасы өтіп жатыр. Клиникалық зерттеудің үшінші кезеңіне аяқ басқан QazCovid-in екпесін облыс әкімі Бердібек Сапарбаев та салдырды. Денсаулық сақтау басқарамасының басшысының айтуынша Қордай ауданындағы ғылыми зерттеу институтының биологиялық қауіпсіздік мәселелері орталығында шығарылған вакцинаны салдыруға өңір бойынша мың адам өтініш білдірген. Төрт күн ішінде 152 адамға екпе жасалды.
Әсет Қалиев, облыс әкімдігі Денсаулық сақтау басқармасының басшысы:
Облыс әкімі Бердібек Машбекұлы Сапарбаев бүгін вакцина салдырды. QazCovid-in вакцинасының үшінші клиникалық фазасында нәтиже жақсы болса, онда ол кең көлемде өндіруге жіберіліп, жалпы мына Қазақстан тұрғындарына вакцинация жасауға пайдаланылады.
