Жаңалықтарды Telegram арнамыздан оқыңыз!Биыл экономиканы қолдап, дағдарысқа қарсы шараларды іске асыру үшін Ұлттық қордан бюджетке 4,3 трлн теңге трансферт аударылды. Былтыр 2,4 трлн теңге бөлінген. Сонымен бірге биыл салық түсімдері 22%-ға дейін азайды. Бұған пандемия кесірінен экономикалық жағдайдың нашарлауы себеп. Әсіресе ең көп зардап шеккен салалар, бизнес салықтан және міндетті төлемдерден босатылған еді. Ал медицинаға кеткен шығын 44,6%. Бұл коронавируспен күреске, медицина қызметкерлерінің жалақысын арттыруға байланысты артып отыр. Педагогтердің айлығын көбейтуге үшін білім беру саласындағы шығын 47,2%-ға көбейген. Сонымен биыл бюджет тапшылығы жалпы ішкі өнімнің 3 пайызын құрады.
Ақерке Бектас
