Ұлттық банк 2006 жылғы үлгідегі банкноттарды ауыстыру мерзімін 1 ақпанға дейін ұзартты

Ұлттық банк 2006 жылғы үлгідегі 2000, 5000 және 10000 теңгелік банкноттарды ауыстыру мерзімін 1 ақпанға дейін ұзартты. Жауаптылар халықтан өтініш түскен соң мерзімі ұзартылғанын айтады.  

Әсіресе зейнет жасындағылар түрлі себеппен ескі банкноттарды уақытында айырбастап үлгермеген. Оны тек Ұлттық банктің филиалдарында ғана ауыстыруға болатынын еске саламыз.

Ал бұл уақытта Brent маркалы мұнайдың бағасы 2 пайызға арзандап, баррелі 49 долларға түсті. WTI 46 доллар шамасында. Қара алтын құнының арзандауы теңге бағамына да әсер етті. Ұлттық валюта 2 теңгеге дейін әлсіреп, долларға шаққандағы бағамы 419 теңге 74 тиынға теңесті.  

Ақерке Бектас