«Қазақстан» РТРК» АҚ-ның  Тәуелсіздіктің 25 жылдығына орай жариялаған «Ең үздік түсірілім тобы» байқауы аяқталды. Кім үздік шықты?

«Қазақстан» РТРК» АҚ-ның Тәуелсіздіктің 25 жылдығына орай аймақтық филиалдар арасында жариялаған «Ең үздік түсірілім тобы» байқауына дауыс беру аяқталды.

«Менің туған өлкем» тақырыбындағы сайыс kaztrk.kz порталы арқылы 3 айы бойы жүргізілді. Осы уақыт аралығында аймақтық филиалдарда қызмет атқарып жүрген режиссер, видеооператор, редактор, сценарист, дыбыс режиссері және веб-дизайнерлерден құралған командалар екі кезең бойынша бақ сынады.

Алғашқы кезеңге 29 команда қатысса, екінші іріктеу сайысына 12 топ іріктеліп шықты.  

Байқаудың негізгі мақсаты - көпшілікке қазақ даласының көрікті жерлерін таныту, сондай-ақ, корпорацияның аймақтық филиалдарындағы қызметкерлердің еңбегін бағалау.

Соңғы кезеңде 12 команданың интернет қолданушылар арасында жинаған дауыстар қорытындысы төмендегідей:

1. mangystautv «Самұрық» тобы - 9342

2. shymkenttv «ONline» тобы  - 8149

3.  oraltv «Алаш» тобы  - 6720

4. kartv  «9 регион»     тобы  - 2528

5.  oskementv «EAST.EAGLE» тобы  - 1124

6.  kyzylordatv «Туған өлке» тобы  - 492

 7. taraztv «Арай» тобы  - 417

8. petropavltv «Қызыл-Жар» тобы   - 213

9.  semeytv «ЛИД» тобы  - 150

10. kokshetautv «Ер Көкше» тобы   - 128

11. kostanaytv  «KOSTA rica»  тобы  - 117

 12. pavlodartv «Ақсұңқар» тобы  - 37

Осылайша, байқаудың бас жүлдесі «Қазақстан-Ақтау» телеарнасының «Самұрық» командасына бұйырды.

І орын - «Қазақстан-Шымкент» - «ONline» тобы;  

ІІ орын - «Қазақстан-Орал» - «Алаш» тобы;         

ІІІ орын - «Қазақстан-Қарағанды» - «9 регион» тобы;    

Үздік шыққандарды марапаттау рәсімі Тәуелсіздік күні қарсаңында өтеді. Жеңімпаздар мен жүлдегерлерге диплом және бағалы сыйлықтар табысталатын болады.