Нұр-Сұлтанда дәмханалар жоспардан тыс тексеріледі - «Qazaqstan» Ұлттық телеарнасы

Нұр-Сұлтанда дәмханалар жоспардан тыс тексеріледі

25.11.2020

Нұр-Сұлтанда болған жойқын жарылыстан соң, газ баллон қолданатын дәмханалар түгел тексеріледі. Қала әкімдігінің баспасөз қызметі осындай хабарлама таратты. Ақпаратқа сай, елорда әкімі Алтай Көлгіновтің тапсырмасымен арнайы жұмыс тобы құрылған.

Оның құрамына Төтенше жағдайлар департаменті, Ішкі істер министрлігі, тұрғын үй инспекциясы, әкімдік және өнеркәсіптік қауіпсіздік бөлімінің өкілдері кірген. Әкім орынбасары Бақтияр Мәкен басқаратын мобильді топ, тексерісті жоспардан тыс жүргізеді. Егер заң бұзушылықтар анықталса, нысан иелеріне айыппұл және одан да қатаң жаза қолданылмақ. 

Еске салайық, өткен демалыс күндері тамақтану орнында газ баллондары жарылып, салдарынан 2 адам қаза тауып, 30-дан астам адам жараланған еді.


Нұр-Сұлтан дәмхана Ішкі істер министрлігі жарылыс газ баллон

Хабарламаларға жазылу