«Adal» және «Қазақстан халық партиясы» сайлауға қатысуға жіберілді

20.11.2020

Орталық сайлау комиссиясы «Adal» және «Қазақстан халық партиясының» үміткерлерін Мәжіліс пен мәслихат сайлауына қатысуға жіберу туралы қаулы қабылдады. Жақында ғана атауын өзгерткен екі партия республикалық және өңірлік деңгейде қайта тіркелген. Ал, «Adal» партиясы Түркістан облысы мен Шымкент қаласындағы филиалын есептік тіркеуден өткізді. Осыған дейін партияның бұл өңірлерде сайлауға қатысуға рұқсаты болмаған еді.    

Асылбек Смағұлов, ҚР Орталық сайлау комиссиясының мүшесі: 
-«Adal» саяси партиясының және «Қазақстан халықтық партиясының» барлық филиалдары 14 облыстағы Нұр-Сұлтан, Алматы және Шымкент қалаларындағы әділет органдарындағы есептік қайта тіркеуден өтті. 

Сондай-ақ, Сыртқы істер министрлігі сайлауға байқаушы ретінде қатысу үшін 11 халықаралық ұйым мен 25 шет мемлекеттің Орталық сайлау комиссияларына шақырту жіберген. Бүгінде Тәуелсіз Мемлекеттер Достастығына мүше мемлекеттердің Парламентаралық Ассамблеясынан 29 байқаушы ұсынылған.

Амангелді Сейітхан


Adal «Қазақстан халық партиясы сайлау Орталық сайлау комиссиясы

Хабарламаларға жазылу