Түркістан мен Кентауда той өткізуді тоқтатпаған тойханалар жабылуы мүмкін

Түркістан мен Кентауда той өткізуді тоқтатпаған он шақты тойхана жабылуы мүмкін. Қазір құзырлы органдар құжаттарын әзірлеуде. Жалпы, өңірде той жасаған 506 адам әкімшілік жазаға тартылған. Өңірде мобильдік топтар күнделікті рейдке шыққанмен той жасап, ас беру тыйылмай тұр.

Әбдуғани Сейдуалиев, облыстық ПД бастығының бірінші орынбасары: 

Мобильдік топтармен 5550 әкімшілік құқықбұзушылық анықталып, осының 4373-іне 223 млн теңгеден аса айыппұл салынды. Бұның бес жүзден астамы той, құдалық жасағандар. Қалғандары кәсіпкерлердің шектелген уақытты бұзуы, одан басқа маска тақпай жүрген азаматтар.

Айнұр Ақбаева