Туристік қызметке қатысты заң жобасы бірінші оқылымда мақұлданды

18.11.2020

Туристік қызметке қатысты заң жобасын Мәжіліс төрағасы сынға алды. Өйткені заңға енгізілетін кейбір өзгерістер негізсіз. Айталық, жобада туроператорлық жұмысты үш түрге бөлу ұсынылған. Бірақ Нұрлан Нығматулин мұнымен келіспейтінін айтты. Туристік компанияларға қысым көрсетудің орнына, қорғау керек деді. Жалпы, заңға бірқатар өзгерістер мен толықтырулар енгізу жоспарланған. Мәселен, алдағы уақытта шетелге демалуға шығатын қазақстандықтарды қорғау шаралары күшейеді.   

Ақтоты Райымқұлова, ҚР Мәдениет және спорт министрі:
-Туроператорлар ұйымдастырған шығу туризмі шеңберінде Қазақстан Республикасының азаматтарына туристік код беру тетігін енгізу, сондай-ақ кепілдік беру сомаларын жинау және қайтару тәртібін регламент тәртібін енгізу жоспарлануда.   

Асима Нұрбайқызы  


Туристік қызмет заң жобасы Мәжіліс төрағасы Ақтоты Райымқұлова

Хабарламаларға жазылу