Жаңалықтарды Telegram арнамыздан оқыңыз!Жаһандық сауда-саттық көлемі алдағы уақытта 40 пайызға дейін кемуі мүмкін. Коронавирус дағдарысынан бүкіл әлем соққы алды. Бұл Қазақстанды да айналып өткен жоқ. Бірақ, қиындықтарға қарамастан сауда айналымы, инвестиция тарту тетіктері жетілдіріле береді. Мемлекет басшысы Қасым-Жомарт Тоқаевтың төрағалығымен өткен Шетел инвесторлары кеңесінің отырысында осы және өзге де мәселелер қамтылды. Оған ірі шетелдік компаниялардың, халықаралық ұйымдар мен мемлекеттік органдар және ұлттық компания өкілдері қатысты.
Қасым-Жомарт Тоқаев Қазақстан Республикасының Президенті:
-Коронавирус дағдарысының салқыны тимеген сала жоқ. Осындай қиын кезеңде бізбен бірге болған компаниялардың барлығына алғысымды білдіремін. Қызметкерлерін медициналық жабдықтармен қамтып, қаржылай көмек көрсетті. Жаһандық экономикада да тұрақсыздық байқалып отыр. Әлемдік экономика қысымға ұшырап жатыр. Сауда айналымы 7-ден 10 пайызға дейін қысқарды. Табыс 10,6 пайызға кеміді. Біз халықаралық сауда мен инвестиция бойынша әріптестікке қашанда ашықпыз.
Асима Нұрбайқызы
