Жаңалықтарды Telegram арнамыздан оқыңыз!Көкшетауда балабақша қызметкерінен коронавирус анықталды. Сондықтан бүгін мектепке дейінгі мекеме карантинге жабылды. Эпидемиологиялық тергеу жүріп жатыр.
Ермек Елберген, тілші:Коронавирус инфекциясы балабақшада жұмыс істейтін медицина қызметкерінде және бір тәрбиеленуші балада анықталды. Медбике күнделікті балалардың дене қызуын тексереді, асхана жұмысын бақылайды, яғни балалармен тығыз байланыста болған. Сондықтан балабақша толық жабылды. Мұнда 118 бала тәрбиеленген. Олар қазір үйлерінде. Күнделікті бақылауда.
Бұл - Көкшетауда қараша айында жабылған үшінші мектепке дейінгі мекеме. Осыған дейін балабақша және шағын орталық жұмысын тоқтатқан болатын. Сондай-ақ, 9 топ жабылды. Барлық ошақтар бойынша тексеріс жүргізіліп, байланыста болғандар бақылауға алынды.
Ермек Елберген
